Bitortxun bloga

Haize barrien zain

2009-08-11T13:20:00.013+02:00

Jakinminez beteta jatorku euskal telebistako denboraldi barria, Alberto Surio etb-ko zuzendari barriak ekainean kargua hartzean etb-1 kateko programazioa goitik behera aldatzeko beharraz egindako adierazpenak kontuan hartuta. Orain arteko irudi "etnografikoa" alde batera itxita, gazte euskaldun barriei erakargarri egingo jaken eskaintza "urbanoagoa" eta "modernoagoa" eratzearen alde egin eban orduan Suriok.

Iraila ate joka dogun honetan, denboraldi barriak erronka horri aurre egiteko ekarriko dauzan barrikuntzak zeintzuk izango diran ez da oraindino plazaratu . Helduko ete da azkenean atzerriko telesail eta filme arrakastatsuak euskaraz ikusteko aukera? Eta goiz eta arratsaldeetako dokumentalen nagusitasuna apurtuko daben magazine eta lehiaketak? Noizko betiko moldeetatik at joango diran formatu ausartak euskarazko katean?

Udako programazioa ikusirik behintzat, gauzak ez dira hain itxaropentsu ikusten. Marrazki bizidunen maratoia gaueko albistegira arte, betiko su artifizialak, aurredenboraldiko futbol partidak, etb3-n urtean zehar emondako edukien errepikapena lehenengo katean, kamera ezkutuak, etabar. Ikusitakoak ikusirik, aurreko udatako irudiak jatorkuz burura; ezer barririk ez, hortaz. Halandabe, Champions-eko partiduak eta Tourra ederto baten etorriko jakoz zuzendaritza barriari katearen batezbesteko audientzia igo eta zeozelan eduki barriak sortzeko ezintasuna tapateko.

Etb-3, barriz, umezurtz, erakargarri egiten eben Heroiak, Gazteak edo Little Britain moduko atzerriko telesail barik geratu da. Martina ez da datorren denboraldian bueltatuko. Prime time ordutegiko programa guztiak neguko errepikapenak dira, "Burp! Udako Berezia" saioa salbu.

Bitartean, datorren denboraldirako iragarritako nobedade danak aurreko zuzendaritzak agindutakoak dira: Wazemank 2.0, Oh Happy Day-en bigarren edizioa, Goenkaleren hamaseigarrena, Go!azen telesaila, Kalaka, Pilotariren remake bat eta bakarlarien kantu txapelketa bat. Programa erakargarri eta beharrezkoak batzuk, baina betiko osagaiak bueltaka dabezalarik; ontzi barritu batean sartuta saltzeko.

Wazemank 2.0

Oraindino programa hau emititzen hasi ez bada be, Alkainen taldeak urtarriletik daroa bigarren denboraldi honen grabaketak egiten. Holan bada, interneten hasi dira dabourduko denboraldi barriko aurrerapen batzuk agertzen.

Beste bideo batzuk:
Sasian Barrena Autoeskola
Earki Gatxik
Superheroiak
Gaur Gurian
Normandia

Post-it batzukaz egin leikeana

2009-06-20T11:01:00.001+02:00

Nondik ataratzen dan barrura

2009-05-23T15:55:00.004+02:00

Orlegia modan dago. Klima aldaketa saihesteko neurriak munduari erakusteko propaganda ahaleginak eta garapen jasangarriaren aldeko eritziek kutsatuta jatorkuz aspaldi honetan euskal musika taldeak. Zaramaren "Bira birziklatua"-ren ostean, Kerobia talde iruindarra sastar organikoak alde batera itxi eta paper eta kartoiaren birziklapenaren defentsa sutsua egitera jatorku.

Izan be, "Papera eta Kartoia" izeneko disko barria aurkeztuko dabe Kerobiako mutilek maiatzaren 26an, trilogiaren bigarren alea hain zuzen be. "Nondik irtetzen da barrura" disko honen aurrerapen abestia dogu.

Bestetik, hilabete batzuk barru argitaratuko dan seigarren diskoko abesti batzuk aurreratuko dauz Berri Txarrak taldeak gaur gauean, Feverren eskainiko dauan kontzertuan.

Egun zoriontsu ez hain zoriontsua

2009-04-26T13:37:00.012+02:00

Zoriontsua behar eban atzoko egunak Oh Happy Day programan, baina ez zan halan suertatu; ez behintzat programa amaieran.

Oilo popak eragin euskuzan Donostia baten ostean etorri zan Bermio disdiratsu bat, agerlekua jateko prest. Biak ala biak finalerako txartelaren bila etozan, faborito argiak zirala erakutsi eben programa guztian zehar eta. Izan be, programaren zentzua ulertzen onenak izan dira bi taldeok, oholtza gainean igondakoan hari zeozelako bizia emonez, ikusleak eurak be bizituz. Horixe zan egun zoriontsua opa euskun saioaren oinarria, abesbatzak eleizetako altareetatik atara eta abestuz eta dantzatuz "show" bereziak prestatzea. Betiko koruen asperduratik urteten jakin ez eben hareek atzean geratu ziran, eta talderik kapazenak aurrera egin eben.

Hain zuzen be, epaileak eurak izan ziran erabaki hau hartu ebenak. Edo ez?? Epaileek eurek hartu dabez erabakiak edo "goiko" aginduak jarraitu izan dabez? Izan be, gala danak ikusi doguzanok badakigu epaileon berbak ez datozela bat atzo gertatu zanagaz.

Non geratu dira Iñigo Arbizak Donostiari emondako "birtuosismoaren bidetik jarraitzeko" animoak? Non, Oñati kaleratu ostean Unaiek somatzen eban hutsunea? Zer dala eta Iñigo eta Unairen arteko eztabaidak, batak Donostia eta besteak Bermio faborito argi moduan erakutsiz? Aurrez prestaturiko gidoiak, iruzurrez betetako agertze batean mamitzeko.

Gai honetan min gehien eragiten deustana koruei eragindako ilusio faltsuak dira. Zertarako horrenbeste nerbio, negar eta esfortzu dana programaturik baegoan?

Egia esan ez neban holakorik espero etb1-egandik. Telecinco, basura hasta en la sopa te la hinco, eta antzeko telebista kateetan bueltaka ebilen birusetik salbu mantentzen jakin dau etb-k, baina atzokoan, audientzia interesak eta ikusleak harritzeko eginahalak medio, gripe honek kutsatuta agertu jakun euskal telebistaren pantaila.

Ahoa igiriz gero, kalera!

2009-03-28T18:02:00.004+01:00

Canal Bizkaiako eskandaluak aurrera darrai. Joan dan urte amaieran hasitako kaleratze uholdeak Jorge Ibeas ekonomia kazetaria eroan dau aurretik oraingoan.

Urtarrilean, era honetara agurtzen ebazan bere lankideak kazetari bizkaitarrak, berak aurkezten eban "Tu economia" saioan bertan. Telebista kateko zuzendaritzari aurre eginaz, alkartasuna erakutsi eutsen beragaz beharrean ibilitakoei eta kaleratze hareek "enpresa kudeatzeko eredu zaharmindu eta arkaiko" bati erantzuten eutsela adierazi eban. Martiaren 26an, Jorge Ibeas kazetaria bera langabeziara bota dabe inongo kalte-ordainik barik.

Bi zera azpimarratuko neukez nik bideo honetatik:
Bata, Ibeas-ek programan erakutsitako ausardia; zuzendaritzari aurre egiteko kemena izan ebalako telebistako programan bertan.
Eta bestetik, programak berak sortu erain gura izan deuskun gogoeta: XXI. mende honetan ez dago kaleratze errezera jotzerik, beharginen jakinduria eta sormena sastarretara botaterik, makina bateko pieza bat bailiran. Gizakion gaitasunak garatzen jakin behar dabe zuzendariek, beharginak eurenganatu behar dabez, eta egoera gatxetan enpresaren kudeaketa ideia barriekaz hornitu. Kaleratzeak ez dira beti saiheskorrak, baina arinkeri lar darabile enpresek egunotan, eta kasu askotan (Canal Bizkaian kasu), langileak epaitzerakoan ideologiak euren profesionaltasunak baino pisu gehiako daukala esango neuke.

Krisi egoera honetan oso kontuan hartzekoak dira gizon honen proposamenak; pena handia da, ostera, hain berba sakonak esategaitik langabezian egotea...

Gazteak telesaila etb3-n

2009-03-19T14:13:00.003+01:00

Heldu jaku azkenik "Gazteak" (the young ones) telesail mitikoa euskeraz ikusteko aukerea. 90. hamarkadan jaiotakook geu baino heldutxuagoak sarri entzun izan doguz telesail mitiko honi buruz berbetan; inoiz ez dogu, ostera, ikusteko aukerea izan, azken 20 urteotan ez dalako serie hau emititu.
Euskal Telebistaren historian arrakastaren marka itxi dabeezan "Gazteak" edo "Parker Lewisek ez du sekula galtzen" moduko atzerriko serieen altxor bat berreskuratzera dator etb3. BBC katearen produkzioa, etxe berean bizi diran lau ikasleren gorabeherak kontatzen dauz: Neil, hippya; Mike, pijoa; Rick, anarkista; eta Vyvian, biolentzia maite dauan punka.
80ko hamarkadako seriea izanik, euskerazko bikoizketak ez dauka zer alperrik galdu. Garaiko bikoizketa gehienen moduan, hikeraz bustitako berbetea darabile protagonistek; eta euskal garbizaletasuna mantentzeko beharrean, hamaikatxu berba arrotz entzungo doguz euren ahotik urteten, logikaz betetako hitzak askotan, euren esanahia pentsatzera eroango gaituelarik.
Telesail benetan gozagarria, beraz, ez bakarrik bere sekuentzia entretenigarriengaitik, hizkuntzeagaz jolasteko aukerea emongo deuskulako be bai.

Anna Katxonda

2009-02-19T17:16:00.005+01:00

"Kaixo, nire izena Anna da, zertan lagun zaitzaket?" esanaz agurtzen gaitu ahots atseginez Annak, Ikeako laguntzaile txit prestuak. Komuneko, eskaratzeko zein logelako altzarien bila bazabilz, edota argiztapenaz, ispiluez zein kuxinei buruz zalantzaren bat izanez gero, bera izango dozu prest di-da batean argitzeko.

Aldiz, aspertuta bazagoz, lagunak zeugaz kokoteraino badagoz, eta ez badozu arrastarik lige kontuetan; ez izan inongo arazorik Annagaz solasean ibiltzeko (orri honetan), hain da lagunkoia bera, edozein gai atarata be erantzun zuzena eukiko dau zeuretzat:

Hasi zeozer arrunta esaten alkarrizketan sartzeko: "Kaixo, eder hori". Eta bota piropo bat edo beste: "maite zaitut", "begi eder!", "eman musu", ...

Joan apurka-apurka giroa berotzen: "titi ederrak dauzkan", "atera titia", "hori duk hori ipurdia", "zurrupa iezadazu", ...

Giroa ondo bero badago eta amurruari jasan ezinik bazabilz, ausartu zaitez eta eskatu eiozu benetan gura dozuna: "larrua jo gura dot zeugaz". Annak, beste hainbat aukeren artean, era honetara erantzungo deutsu: "Oso dibertigarria izango litzateke baina ez didate erakutsi hori egiten. Oso ongi egiten dakidana IKEA-ri buruzko galderak erantzutea da. "

Esaten gendun ba, zeu zara zeu geure Anna Katxonda!!

Egia ete?

2009-02-10T19:40:00.001+01:00

Nafarroako Gobernuak 9.000 euro triste bideratu dauz lurralde honetan euskarazko hedabideak bultzatzeko. Honek zalantzan jarri dau hainbat komunikabideren etorkizuna, ttipi-ttapa telebistak ateak itxi behar izateraino.

Azanza jaunaren berbak sineskorrak ete dira? Behar egingo dau hedabide honeek bultzatzeko eta ETB-ren seinaleak Nafarroan bizirik irauteko, ala Nafarroako Gobernuaren beste guzur bat estali guran dabil?

Minutu gitxiko bidai luzeak

2009-01-08T20:55:00.005+01:00

Fantasiaren munduan bizi dan izaki gaixoak, hemengoa ez dala diñoana baina mundura bueltan etorri dan ameslari maitakorrak, astero-astero eskaintzen deuskun tartean geure barneak askatu eta irudimenez hornitutako espazio zabal batean bidaia egiteko gonbitea egiten deusku ordu erdiz.

Joan dan astekoan, telebistan ia ikusezina dan formatu batez gozatzeko aukerea emon euskun, laburmetraiak hain zuzen be. Eskertzekoa da ohikotasunean iraultza egin gura dauan telebista kate jaiobarria filme laburrak eskaintzeko egiten dabilen esfortzua, ondiño gehiago Euskal Herrian eta hein handi batean euskeraz filmatutako filmeak izanda.
Luzeagoa beti hobea dala diñoen teoriari jarrituz (tamainuak inporta dau, antza!), gitxienez ordubete irauten dauan filmeak ikustera ohitu gaitue telebistak eta zinema-aretoek, laburrago geratzen dana leiho honeetatik marginatu eta zokoratuz. Holywoodeko zinta luzeak benetako ZINEA dirala sinestuta bizi gara, bertokoak "folkloriko" gisara hartuta, bertokoak dirala eta ikustera behartuta sentiarazten gaituen horreek. Eta zer esanik ez hamar minutu luze dirauen "giputxi" baten errodaiak eragiten deuskun sentimendua, "aspertuta dabilen baten denporapasa lerdoa".

"Akaso hau baino ezer hoberik aurkitzea espero zenuen hortik zehar?" galdetzen deusku abots maitekiroz Martinak programaren amaieran. Erantzun daiola bakotxak itaun honi berak benetan uste dauan moduan.
Emon ziran 3 film laburretatik bakarra ipini dot sarean (Tania Arriagaren "La Espinita"), Martinaren berba batzuekaz batera. Zeuon gustokoa izatea espero dot.

"Gabon. Amets goxoak izan" (Mikel Laboaren doinua programeari amaierea emoteko)

Grissom euskaldunak zoriontzen

2008-12-23T16:19:00.007+01:00

Euskal Herrian igaro ei ebazan bere gaztetako urte batzuk, eta aurtengoan zorion mezu baten bidez eskertu gura deusku geure arreta beroa, berak esaten dauan moduan "Euskadi oso hotza da, baina jendeak bihotza oso bero dauka".

Gabon zoriontsuak opatzeaz batera, euskerearen ganean hausnartzen dau aktore amerikarrak: "1975 urtean han egon nintzanean, euskal hizkuntza debekatuta egoan seinaleetan eta abarretan. Orain 11 urte bueltatu nintzanean, dana egoan euskeraz. Hain izugarria zan aldaketea, Euskadiko jendearentzat itxaropentsua iruditu jatan euren berbetea berreskuratzea. Harro nago aurrerapenagaz, eskertzeko modukoa da bakea lortu dala ikustea".

Amaitzeko, "Goiko Mendian" abesten deusku, Euskal lurrenganako sentimenduak adierazteko abesti aproposa iritziz.

Euskara teknologikoa

2008-12-18T16:54:00.008+01:00

Windows Live, hotmail kontuak eskaitzen deuskuzan zerbitzu guztiei zukua atarateko ataria, euskeraz topatu dogu gaurkoan, oso-osorik ez bada be. Ondoetorria emoteko orriak (home.live deituak) haize euskaldun batez airatzen gaitu, momentuko egoeraz eta jasotako azken mezuei buruz egunean egoteko. Profila, argazkiak, gertaerak, taldeak eta Spaces guneak be euskeraz topatu geinkez; ez, ostera, "Hotmail" posta elektronikoa kudeatzeko orria.

Akabuko urteetan erderaz bakarrik egozala sinestuta geunkazan hainbat eta hainbat aukera euskeraz agertzen jakuz orain, garai barri baten seinale. Facebook euskaraz erabiltzeko aukerak, egunez egun eskuko telefonoa euskaratzeko esaten dabilkigun Ukan birus zantar geldiezin horrek, Windows XP zein Windows Vista sistema eragileak euskeraz erabilgarri izateak, eta Tuenti euskaratzeko bideak zabalik dagozala entzuteak; euskal berbetea amaraunean eta teknologia barrietan zabaltzeko urrats sendoak emoteko borondatea badagoala adierazten deuskue.

Halanda be, barri pozgarri ororen atzean beti dago gerizpe sakonen bat. Izan be, Windows enpresa pribatuak, eta ondorioz, ahalik eta etekin ekonomiko handiena eskuratzea helburu dauan erakundeak, hizkuntza "nagusiak" ez diran horreetan aurrerapausoak emoteak zer pentsa ugari emoten deuskuz. Zeren truke egin dabe hau, Eusko Jaurlaritzaren dirulaguntza potolo baten truke; edo euskal administrazioko ordenagailuetan Windows sistema beste urte batzuetarako bermatuta egotea dago honen atzean?

Ez ete gara gai geure berbeteari behar dauan duintasuna emoteko, hots, bere kabuz bizitzako edozein ekintzatan erabiltzeko askatasuna zabaltzeko, erdal hizkuntzarekiko menpekotasun horretatik libre?

Ez, bada, gaztelania ei da espainol guztion berbeta komuna. Zelako penea...

Martitzenak 20.40

2008-11-17T18:36:00.002+01:00

Asmaten gendun, bai, etb3-k gaztiontzako nobedade asko eta aukera barri ugeri ekarriko ebazala. Kate jaiobarri batentzat kalitate onargarria daukan honek (eta ondiño gehiago LTD-ko kateak zein kutreak diran ikusirik), bere aireratzetik hilabetera hasi da geuretzat egindako telesailak emoten:

-MARTITZENETAN: Heroiak 20.40 etb3-n. (emisioak bihar hasiko dira, zemendiak 18)
-EGUAZTENETAN: Dr. Who 20.40 etb3-n.

etb 3

2008-10-12T13:13:00.003+02:00

Telebista modernoa, alternatiboa, euskaraz. Merezi dauzan programak badaukaz, Burp!, Martina, Munduan Gaur, Hitzetik Hortzera eta eitbKultura, esaterako.
Baina etenbako marrazki bizidunek eta betiko bideoklipek nahiko aspergarri egiten dabe telebista kate jaiobarria.
Gazteentzako telesailak eta pelikulak ez litzatekez txarto etorriko...

"Curso de euskera para aprender español"

2008-09-30T16:56:00.005+02:00

Aspaldi honetan, Donostiako Zinemaldia dala eta, programa "gozo" honetaz gozatzeko aukerea emoten deusku espainiako telebista publikoaren bigarren kateak. Espainola ikasteko euskerazko kurtsoa ei da, alderantzizkoa gertatzen dala konturatzen garan arte; baina baleiteke euskerea irakastera be ez ailegatzea...

Euskerea barregarri izteko programea dogu, "Gomaespumenglish" programeak ingelesagaz egiten dauan moduan, edota Txinako olinpiadetan hango hizkuntzeagaz egin eben moduan. Oraingoan geure hizkuntzeari egokitu jako gaztelaniaz barregarriak diran esaldiak euskerazko berbakaz sortu daitekezala erakustea.

Programa honek ez ninduke arduratuko erdaldun asko eta askoren buruetatik igaroko diran ideiak kontuan hartuko ez baneuz; baina umorezko programa honek proposatutakoak sinisteak larritu egiten nau, barre apur bat egiteko otutakoak benetazkotzat hartzeak.

Espainian barrena (Euskal Herriko txoko batzutan moduan) hainbatek euskerearekiko daukien mespretxua handiagotzeko balio leike programa honek, geure hizkuntzearen lepotik barre egiteko, euskaldunok garan "basati" eta "arkaikoak" eraren batera erakutsi gurako leukie asmatutako berba-joko honeek.

Halandabe, euskerearen jakitun nazen honek gustora barre egin dau programa honen kontura, geure hizkuntzaren berba batzuekaz erderaz umorea egin daitekeala jabetu da eta. Halan jarraituko dot "Youtube" izeneko tresna eder honek eskaintzen deustazan 9 atalak ikusi arte.

Ordenagailua euskaratzeko maratoia

2008-06-25T18:34:00.008+02:00

Ordenagailua euskaratu edo, hobeto esanda, Windows sistema-eragilea eta bere aplikazio batzuk (office, esaterako) euskaratzeko maratoia abian da sarean, www.microsoft.es/eus web-orrian. Honen xedea ahalik eta erabiltzaile gehienek euskarazko interfaze-paketeak instalatzea litzateke (orain arte erdaraz geunkana euskaratzen dauan erraminta, ordenagailuan beste inongo aldaketarik eragin barik).

Windows XP sistema-eragilea eta Microsoft Office 2003 (word, excel eta power point euskeraz) bertsioaz gain, Windows Vista sistema eragile barria eta Microsoft Office 2007 bertsioa agertzen jakuz nobedade moduan, besteak beste. Gainera, Internet Explorer eta Outlook bezalako programak be euskeratu egiten dauz sistema eragileen interfaze paketeak.

Behin Windows euskaratuta, gainerako programak euskeraz eukitzeko aukera zabala be badaukagu. Web orri honek ez dau horretarako proposamenik egiten, windows-eko programetara mugatzen da, beraz hona hemen gomendatzen deutsuedazan programa batzuk:

- Mozilla Firefox eta Thunderbird: Mozilla proiektuaren bi programa arrakastatsuak, jada mundu osoan zehar Internet Explorer eta Outlook programen alternatiba sendo moduan aurkezten jakuzanak. www.librezale.org web orritik jaitsi daitekez, eta barrikuntza moduan esan Firefox-en 3.0 bertsioa atara barri dala. Programa honeek doan jaistekoak dira, inongo lizentziarik ordaindu barik.

(Mozilla Firefox web nabigatzailea. Klik irudian handi ikusteko)

- OpenOffice: Microsoft Office-eko programen alternatiba, kode igirikoa eta internetetik doan jaitsi leitekeena http://eu.openoffice.org/ orritik.

-Bestelako programak: Askotan gertatu ohi da ordenagailuan programa bat instalatuta daukagula erderaz edo inglesez, eta euskaraz eukitzeko aukerea badaukagula, geu ez konturatu arren. Horragaitik komenigarria izaten da "Opciones" edo antzeko atazetan hizkuntza-aukerak begiratzea, euskeraz ipintzeko aukera izatea gertatu leike eta. Kasu honetakoak dira eMule, Rainlendar, Spybot, etab.

Euskarazko software gehiago: http://softkat.ueu.org/, www.euskadi.net/euskara_soft

Uda honetan bai!!

2008-06-07T13:44:00.002+02:00

Egia izango ete da uda hontan danok euskeraz egingo dogula??

Bideoklipa behintzat oso ona iruditu jat, estilo aldetik behintzat hamarra!!

www.pixkabatesmucho.com

Ekaineko burukomiñe

2008-05-27T11:24:00.002+02:00

"Selektibitatea" deitzen dan buruko min hori jasan behar dogun danontzako, kontsuelo moduan edo...

Eusko txiki txiki

2008-04-03T21:42:00.001+02:00

Kristino, Bermioko zoroetxekoa

2008-02-14T18:42:00.002+01:00

Markosen argumentuak, beti bezain orijinalak!!!

Ganera atzokoan be Kalakak datu oso onak atara ebazan: 56.000 ikuslek jarraitu eben batezbeste, %6,3-ko sharea eskuratuz. Nire eritxiz, Markos doan bakoitzean Kalakan audientziak gora egiten dau. Fenomeno bat dogu geure filosofo hau!!!

Agur, Maria Luisa

2008-02-05T11:32:00.000+01:00

Daburduko jakingo dozue ezta?

Atzoko kapituluan, bere sagardotegiko uzta ederrari so ebilkiola, Maria Luisa Galardi, Goenkalen hasiera hasieratik geratzen dan pertsonaia bakarra, lurrera jausi zan bihotzekoak (edo holako zeozer) emon ondoren. Gaur ospitalean agertuko jaku, eta iragarpenen arabera gaur hilko da.

Atzokoa 57.000 pertsonek ikusi eben Bizkaia, Araba eta Gipuzkoan (%5,9ko sharea), ia gaurko egunean iragarritako arrasta lortzen dauan. Baina zeozer argi badago, 14 urte eta gero Goenkale etb1-eko telesail arrakastatsuena izaten jarraitzen dauala da. Maria Luisaren heriotzak izango ete dau eraginik datorren astetik aurrera? Ikusi beharko.

Agur Jaunak

2008-02-03T15:58:00.000+01:00

Kelly familia amerikarrak arrakasta izan dau mundu osoan zehar, azken urteotan Alemanian erdietsi daualarik ospea. Espainiatik be ibili ziran orain urte batzuk, eta entzutetsu egin ziran lekuan lekuan.

Bada, harrigarria badirudi be, Kelly familia Iruñean bizi izan da tarteka. Eta euskaldunenganako maitasun horrek eroan ebezan euren mundu mailako kontzertuetan euskerazko kantak abestera. Goiko bideoan, "Agur Jaunak" abesten dabe hainbat alemaniarren aurrean.

Azken egunotan oso bizkor igo da bideo hau ikusi dauan jende kopurua, eta e-mail bidez be hedatzen dabil.

Informaziño gehiago: http://sustatu.com/1201768670

Markos eta ziminokeriak

2008-01-27T19:36:00.000+01:00

Gaurkoz Markosen liburuaren aurkezpen-bididxue.
Badakitz denporie daroadala bloga barriztu barik, ia aste honetan zer edo zer ipintzen doten.

Kalakataz kalakan

2007-12-13T16:59:00.000+01:00

Atzo gaueko Kalaka programak markak hautsi ebazan. Ez bakarrik inoizko audientzia altuena lortu ebalako (batezbeste 51.000 ikusle %5,7ko sharea), baita inoizko oihartzunik handiena euki dauelako ere. Ez dago euskal blogak ikustea baino.
Niretzat aipagarriena Iban Arantzabalek bere blogean idatzitakoa da. Perdidos emititzen ez ebela eta, Kalaka ikusi eta inpresiño ona egin ei eutson, eta hona hemen beretzat eta blogean iritzia emon daben beste hainbat pertsonantzat programako bi gauza aipagarrienak:

Batetik, geure Markosen esaldi txundigarria, betiko moduan zur eta lur itzi ginduzana. Aste honetan esan dau "betirako ezkontzaren" edo "familia tradizionalaren" ideia gizonok asmatutakoa dala, emakumeen "zulotxoa" infinitua izanik eta mutilon "zintzilikaria" oso mugatua, eta ondorioz emakumea sexualki geu baino potenteagoa dala konturatuta, ba emakumea betirako geuri lotuta eukitzeko asmatutako modua dala hain zuzen be. Ez dau arrazoirik falta, baina hori aparteko eztabaida filosofiko bat litzake. "Beti dauka zita landuren bat. Ez da tertuliano klasiko bat eta eskertzen da ekarpen hori" diño Iban Arantzabalek Markosek botatakoaren inguruan.

Bestetik, programa bat borobil-borobila egiteko, zer hobarik Bermiora bertoko atsotxuengana galdera batzuk egiten etortzie baino. Ba hori egin eban Iñigo Agirrek. Mikrofonoa eskuan hartuta, hainbat blogetan irakurri daitekeen "amen lapikuen txorizo bat baino ez da sartzien" esaldia lortu eban bermiotar baten ahotik, beran bikotiegaz eukan erlaziñuetaz galdetzerako orduan. Egidxe esan bermiotarroi eitxen dozkuezan entrebistek beti direz "bikainak", "salauek" eta bizidxek. Eta hau be oso ona izan zan. Beste bat aipatziarren, beste andra batek gaur egungo gaztieri gomendatu eutsen "Fuego a la barraka. A vivir la vida. Sexue badan ba sexue", eurek antziñe nahiko sufridu zauiela eta. Iñigo Agirre, zelan ez, barreka zatitxu, eta telebista ikusten ibili zien hainbet pertsona bebai, blogetan irakurri daikegunez.

Esan moduen atzoko Kalaka inoizkurik onena izan zan, batez be bermiotarrok ein gendulako ia programa osue (jaja): Bermioko jentieri egindako entrebista elegantie, Markosen salidie (berton jaio ez arren Markos bermiotar sentitzen da, ez ahaztu) eta Amaia Artetxe be bertan datuak eskaintzen betiko legez. Etb-ko programa danak bermiotarrok egingo balekiduz... zenbat igoko ziran audientzidxek!!!! Ape marie!!!!! jaja

2007/12/12-ko Kalakaren batezbesteko audientzia EAE-n: 51.000 ikusle eta %5,7ko sharea. Euskaldunen artean (eta beraz etb1 ikusi daikegunon artean) %17ko sharea lortuko ebala esango neuke, eta hori iparraldeko eta nafarroako ikusentzuleak kontuan hartu barik!

Gure bereziak aurrera jarraitzen dabe

2007-11-30T19:04:00.000+01:00

Orain etb-n "Heroes" telesailaren lehenengo denboraldia amaitu dala eta bigarren denboraldia gurean emititzeko asko falta danez gero, asko bigarren denboraldia ikusteko gogoz egongo dira. Ba lasai ze badago aukera Heroes geure etxeetan ikusteko, euskeraz ganera.
Estatu Batuetan dabilz bigarren denboraldia emititzen eta, ondorioz, oraindik erderaz eta euskeraz bikoizteko asko falta da. Halandabe badaukagu aukera, ingelesezko audioa eta euskerazko azpitituluak (subtituloak) daukazan bideoei esker. Bideo honeek emulen dagoz eskuragarri eta eskumako aldean ipiñi dodaz helbideak, zuzenean jaisteko.
Horretaz gain, lehengo denboraldiko atalak be jarri dodaz, euskerazko ahotsagaz. Hiroren japonierazko dialogoak ez dagoz euskeratuta, beraz azpitituluak jaitsi behar dira. Orri honetan dagoz: euskal-encodings

Txikot faltauek honek amerikanuek

2007-11-27T21:56:00.000+01:00

Txikot faltauek dies honek amerikarrak, tontolapikoak, zeozer suabie esatiarren. Hain inkultuek izatiek negargurie emoten dau, bene-benetan...

Neguko abestidxe ete?

2007-11-26T22:06:00.000+01:00

Egidxe esan, nik nahiko kutre topaten dot abestitxue... eztakit zelan dabilen horrenbesteko arrastie lortuten. Top Gaztean 5garren postuen dago aste honetan, eta gorantz. Auntxek be...

Sinatu artikuluaren aurka

2007-11-26T22:03:00.000+01:00

Portzierto, ondoko web orrian aurrez aipaturiko Wall Street Journal egunkariaren artikuluaren zuzenketa eskatzeko sinadurak batzen dabiltza, eta egidxe esan parte hartzea oso handia da. Animatu zeuok be: http://www.euskosare.org/ene/2007/wsj/guestbook_add_entry_form?set_language=eu&cl=eu

Euskerea, inkisidoreen hizkuntzea

2007-11-09T22:37:00.000+01:00

Hauxe esaten dau asteko albisteak: euskerea etorkizun bako hizkuntzea dala, jakitera behartzen dala EAE-n, jakin ezean beharretik botatzen dala jendea, milioi bat hiztun baino gitxiau daukazala (prestigioa kendu guran egiten dan komentarioa, 350 milioi hiztun daukazan gaztelerea hobea dalakoan) eta inork erabiltzen ez dauan hizkuntzea dala, besteak beste.

"Basque Inquisition: How do you say shepherd in Euskera?" (Euskararen inkisizioa: Zelan esan zeinke artzain euskeraz?). Neguko erreka izoztu baten barruan sentitu dot neure burua titularraren lehen bi berbak irakurri eta gero. Txiste txar bat, edo esaldi metaforiko edo ironiaz egindako goi-titulu baten aurrean nengoala sinestu arazi neutsan neure buruari momentu horretan. Baina ez, irakurriz joan ahala neure uste ustelenak egia bihurtzen joiazan heinean, konturatuz joan nintzan 3.000.000 irakurle harpidedun daukazan egunkari estatubatuar haren artikulua guzurrean oinarritutakoa eta espaiñolismoaren atzapar krudelenek egindakoa zala.

"Wall Street Journal" New York-eko egunkari irakurrienetarikoak lau haizetara zabaldutako artikulu harek mina sortu erain deust, hainbeste pertsonengana heldutako guzurra, hainbeste irakurleri buruan sartutako piztiaren pozoia, euskaldunok naziak legez jokatzearen irudia hedatuz, euskeraz ez dakien pertsonak jipoitzen, umiliatzen eta fusilatzen bagenduz bezala, beran hizkuntzea besteen gainetik inposatu gura dauan euskaldun bihozbakoaren irudi faltsua.

Baina ez da hori gehien mindu nauana. Batez be artikulu hori idatzi dauan edo artikulu hori idaztera bultzatu daben pertsonen inperialismo ase ezina da artikulu honek neure baitan itzi dauan nahigabe nagusia. Euskaldunon eta euskerearen kontra sutsuki jarduteko buruan manipulazio sakon eta gorrotoan oinarritutakoa jaso dabenen jokaera horrek sumindu nau, oraindik gaur egun geure hizkuntzearen kontra batzuk landatzen jarraitzen daben gorrotoa.

Ondorengoak dira artikuluan esaten diran gehiegikeria nabarmenenak eta manipulatutako guzurrak:

--> Rosa Esquivias is caught on the front line of the Basques' fight for independence from Spain ... a 50-year-old high-school math teacher ... who must learn Basque or risk losing her job. (Rosa Esquivias euskaldunen Espainiarekiko independentziarako borrokaren lehen lerroan harrapatu dogu, 50 urteko batxillergoko matematika irakaslea, euskara ikasi edo osterantzean lana galtzera arriskatu behar dana) - Euskerea, zelan ez, independentziaren biderako erraminta legez aurkezten da, Euskal Herriaren independentzia lortzeko tresna dala esaten da. Euskerea desprestijiatzeko betiko lelo bat dogu hau, independentistak demoniotzat hartuz eta euskerea demonioaren bastoi mingarritzat.

--> Basque separatists have been waging a struggle for independence from Spain for 39 years. But lately, many have taken to wielding grammar instead of guns. (Euskal separatistak Espainiarekiko independentziarako borrokan aritu dira 39 urtez. Baina beranduago, askok gramatika astinkorra (arma astinkorragatik esaten dau) hartu dabe pistolak beharrean) - neure aburuz testuko esaldirik gogorrena, euskerea terroristen hizkuntza legez hartzen dana, euskerea besteak hiltzeko euskaldunon arma bat balitz lez. Euskerea, beraz, kriminalizatuta eta despregiatuta.

Sinestu ezinezko artikulua, guzurrak zabaltzen dauzan erreportai zantarra; XXI.garren mendean sartuta urteak daroaguzan bitartean eta euskerarekiko antzinako deskalifikazio hareek ahaztuta geunkazalakoan, barriro geure gainean agertu jakun mamutzarraren aurrean aurkitzen gara.

Ordenagailura artikulu osoa JAITSI (jatorrizkoa, ingelesez)

Heroes euskeraz!

2007-11-01T18:25:00.001+01:00

Heroiak-en lehen denboraldiko kapituluak jada eskuragarri dagoz euskeraz Heroiak DVD Edizio Hedatuan.Baie dvd-a erosteko esperantzarik ez daukagunok internetetik deskarga daikeguz kapituluak euskal-encodings-en web orrian. Euskal multimedia liburutegi honetan joango dira ipintzen apur-apurka kapitulu danak. Horretaz gain, web orri honetan Heroes-en komikia jaisteko aukerea be badaukagu, web orriko sortzaileak eurak euskaratuta, ezta bihar makala!

Hortaz gain, euskal-encodings-en web orria bere osotasunean ezagutzera animatzen zaitzuet, bertan euskeraz dagozala jakin be ez genkian hainbat produktu dagoz. Batez be Uploads atala da gomendagarria, hainbeste pelikula, marrazki bizidun eta telesail jaitsi daikeguz emule bidez bertatik (Pelikulen artean Resident Evil, Harry Potter, Krimen Ferpektua, 13 fantasmas, El Grinch, Rambo, El profesor chiflado, Harriketarrak, etab.) (Marrazkietan Dragoi Bola Z, Kapitain Planet, Pokemon, Fernando Amezketarra, One Piece, Pokemon, Shin Chan, etab.) (Telesailetan Heroiak, Justizia, Jaun ta Jabe, Kutxidazu Bidea Ixabel, Kokodrilo Ehiztaria, Street Fighter, Bostak, Itsasoaren urdina, etab.). On egin!

Heroiak

2007-11-01T17:39:00.000+01:00

Azkenien, denbora asko itxaron eta gero, heldu jaku Heroiak telesail arrakastasua euskeraz ikusteko aukerie. Barri hau orain urtebete entzuteko aukerie euki gendun, etb-k 2006an Estatu Batuetan urteko serierik ikusiena izan zanaren eskubideak erosi ebazala lau haizetara zabaldu ebanean, television española eta cuatro-gaz lizentzia hau lortzeko borrokan ibili eta gero.
Holan ba, telebista autonomiko danak parte hartu eben telesailaren eskubideak erosteko orduan eta, danak batera emititu ezin ebenez, zozketa bidez esleitu ziran bakoitzari jagokozan emisio-egunak. Zoritxarrez, etb izan arren proiektu honen sortzaile eta buru, 2007ko irailean emititzea tokatu jakon, tv3 katalanak eta canal 9 valentziarrak, adibidez, 2007 martxoan emititzen hasi ziralarik.
Ordundik zalantza handia egoan etb-k bere egunean zein hizkuntzatan emitituko eban telesail hau. Bere ohiko politikari jarraituz argi egoan erderaz emitituko ebala etb2-tik, atzerriko telesail guztiakaz egiten dauan legez, baina baegoan itxaropen izpi bat etb-k euskeraz emitituko leukean, estatu batuetan telesailik arrakastasuena euskaraz emititzeak suposatuko leukean garrantziaz konturatuta edo.
Hasieran albiste positiborik ez, katalunian katalanez emititzen eben bitartean eta galizian galegoz, ez zan inongo adierazpenik entzun etb-ren ahotik. Hala ere, etb-n emisioak hasteko bi hilabete eskas falta zirala, euskaratzeko konpromisua hartu eban etb-k, dvd-an gaztelania, ingelesa, katalana eta galizieragaz batera euskarazko bertsioa joan eiten; baina ez zan inongo adierazpenik egin euskarazko bertsio hori etb1-ek emitituko ebanentz.
Euskaratze prozesua korrika bizian joian heinean, etb2-tik gaztelaniaz eta euskaraz dual bidez emititzeko esperantza agertu eban etb-k, dual sistemaren jabe ziran pertsonek euskeraz ikusteko aukera be izatea suposatzen ebalarik.
Hipotesi horrek indarrean jarraitu eban lehen emisio egunerarte, eta orduan jabetu ginan danok guzur hutsa zala, euskerazko bertsiorik ez zala inondik eta inora emititu, ezta dual sistema bidez be.
Holan ba, euskeraz Heroiak ikusteko dvd-aren argitalpenerarte itxaron behar izan dogu. Azkenean ipini da salgai eta urte beteren buruan badaukagu Heroiak euskeraz ikusteko aukera.
Halandabe, internetetik jaisteko aukera be badago, ondoko helbidean dagoz xehetasun danak: euskal-encodings

Geure Markox

2007-10-28T13:42:00.000+01:00

Bertsoa (Hamarreko handian)

Gure Markos da gizon jatorra
kalakan ari da beti
Bera bizi den mundua ere
aldatzen du supituki
Klaseak dabil emoten pozik
bere pedrada ta guzti
Ez baduzu nahi atentaturik
txirrindari ondo eutsi
Ezazu ezer diktatu Markox
izan gaitezen ederki

(Batx. 1B-ko ikasleak 2006-2007 ikasturtean egindako bertsoa Pako Aristiren laguntzaz).

Alboan "Patxitrapero"-k egindako fotomuntaia.

Aurkezle traketsa eta zortedun umea

2007-10-27T17:53:00.000+02:00

Izenburue apur bet arraro eitxen bada be, nahasketa hori gertatu zan Betizu programan, Joseba Olagarai triziklotik jeusten zan bitxartien, "potradun" umiek poz-pozik beran airera jarraitu, bikotiek lehenengokuen asmatu eta gero PS2 bat eruen zauen etxera! Hauri bai dala suertie okitzie ñooooooo!!!

Euskadi desbardiñe dalako

2007-07-29T12:17:00.000+02:00

Ponte el cinturon, protege tu vida, trailara trialara

2007-06-02T17:27:00.000+02:00

"La cancion del verano" inoiz baino ariñau dator aurten (laster urte barri egunerako "la bonba" ta halakuek kantaten ibilko gara, gabon kantan ordez).
Orainguen cuatroko "Factor X"-en eskutik dator udeko kantie. Gitxienez aurtengo hau zeozer irakasteko dator, ez aurreko urtietako zentzun bako kantak legez, kotxien segurtasun garrikue ipintzie beharrezkue dala helarazi gura deusku eta.
Ez dago aukerarik bideoa blogan imitzeko (youtuben bididxue imiñi dauen kabroiek ez dau aukera hori emoten). Baie amen helbidie: http://www.youtube.com/watch?v=4kjZ-sJaEmo
Fije bididxuen neskien arpidxen, tentelan antza dakona (bueno antza ez, tentela da), ta jurauek berari arpire barreka, jaja, gordito geidxen bat. -Es el cielo? -No, es el manicomio. jajaja
Barre masie botaten da. Egidxe esan telebistan ikusi nauenien barre asko bota nauen, baie nok pentsako zauen holako propagandie egin eta udeko abestirik entzutetsuena izango dana (se supone, nok jakin!) bihurtuko zana! En fin!

Eta bideue ikusi ta gero, "las mañanas de cuatro"-ko frikidxek ein dauien beste bideo bat. On egin!

Ai Alfara...

2007-06-01T16:32:00.000+02:00

Bermiotik gauez barre batzuk botateko aukerie be badauela erakutsi gure doskun bideue amen. Portzierto? Badaki inok nortzuk disen? Aurreko bideo baten be bardiñe galdetu nauen ta ez gendun atara ze ezien bermiotarrak, orduen ia ataten badun nortzuk disen honek. Bueno dana dala barre masie bota dot!!!

Bai, segi horrela, segi, segi...

2007-05-07T19:59:00.000+02:00

eitb24.com webgunean argi ekarten dau: euskerara bikoiztutako lehen film pornoa aurkeztuko da Bilbon, Euskalsex deritzon programa baten barnean.
Euskadiko Nazioarteko I. areto erotiko honen helburu nagusia Euskadiko industria porno-erotikoan euskara sustatu eta kontsumo hau euskaldunengan zabaltzea da. Uztailaren 20tik 22ra Bilboko La Casilla kirol pabilioian antolatuko da eta aktoresa porno garrantzitsu bat etorriko ei da: Cicciolina.

Orain arte dana ondo. Baie hona nire galderea: zelakue da euskerazko film porno bat? Ondiño ezin jakin uztailerarte. Ze batua artifizial baten bikoiztuta badau eta pelikularen jatorrizko hizkuntzako berbak hitzez hitz itzuli badabez... agur Juan! Larrutan egon barik euskerako klasean aditza ikasten dabilzala emongo dau!!
Inork imagiñatzen dau zelakue izango dan elkarrizketa? "Bai segi, segi horrela, bai, emaiozu" buff hori euskaldun batek eztau esaten daleketepego dabilenien e!! Ta imagiñe "nik darakutsazudan moduan bazinderraizkidazu zulotxotik gogor ematen, ..." jaja hau eztau inok esaten baie weno, imagiñetiarren. Benga asmatu zeuok be halako zorokeridxek, barre batzuk botateko.
Ta pelikule hori youtuben imitzen badauien imingot blogan, ia euskerazko peli porno bat zelakue dan.. jeje. ta nok bikoiztuko zauen? nik botue Goenkaleko Mirari eta Kevin-en ahotsari!!! zelako bikotie bat pije hutsa ta bestie makarrie jaja.

Azkanien pelikulie ikusi ta gero iwal ezta geratzien hain txarto bez, gauzie ohitxutie dala diñoie. Weno dana dala ni euskal pornuen alde!!!

Valair, Marijke,...

2007-04-28T11:28:00.000+02:00

Itxo arte tsise daidxola barreka egoteko bididxue.

Eztau potroik!

2007-04-28T11:14:00.001+02:00

Inok badaki nonguek dizen honek zoruek? ...

Oporratatik bueltan eta...

2007-04-20T19:03:00.000+02:00

Oporratan Benidorren bi aste luze pasa eta gero poz handiz etorri naz barriro be Bermiora. Bakizu, lagunek, lokaleko anbientie, bertoko euri sundie (artzako atza ez, hori ez), ... danatarik botaten da faltan herritxik urten eta gero. Eta ze esanik bez "Goenkale", bi aste ikusi barik, ze txarto pasa doten Martxelon gorabeherak ezin jakin (batzuk fanatiko deitzuko nozue baie kriston engantxoie dakot).
Ta etorri nai ba poz-pozik eta Nafarroan ondo sartuagaz batera eta Euskadi Irratia sintonizeteaz batera hasi dies betiko saltsak: Euskadi gora Euskadi bera, ezker abertzalie ametik bestiek bestetik, etab. Beti betiko gauzetaz berbetan. Hatakontu aspertu itzen garala horretaz berba egin ezean.
Egidxe esan eztazt gustaten politikaz berbetan ibiltzie (horretako irebazten dauie miloiek politikuek eta) baie hau eztau onartuko dauenik: UPNko zinegotzi batek "gaizkileak ikastolen ondorio dirala" eta "musulmanak Espainiatik kanporatu behar dirala" esanez bertso-liburu bat idatzi ei dau. Ondiño eztot ulertuten zelan egon daitekean holan pentsaten dauen pertsonarik. Ni sinestuta nengoan nahiko argi egoala ikastolak punta-puntako irakaskuntza emoten daben elkarteak dirala, eta ikastolan bonbak egiten eta Espainia gorrotratzen irakasten deuskuela esaten dauan pentsakera hori guztiz ezabatuta egoala.
Ba ez, eta txarrena da Miguel Sanz-en taldeak babesa emon deutsola Leitzako zinegotzi honi. Ia maiatzeko hauteskundietan Nafarroa Baik sozialistekaz bat egin eta atzeratu eta erradikal espainol honeek boteretik botaten dabezan. Holan gitxienez Nafarroan barriro euskereak behar dauen prestigioa emotea lortu (gogoratu euskerean ganean esandakoak) eta ikurrinak barriro be eskegitzeko askatasuna lortuko da, eta ez kartzelan sartzeko arrazoia. Hala bedi.

K-O-R-R-I-K-A korri korri korrika!!!!

2007-03-31T13:50:00.000+02:00

Pirritx eta Porrotx-en doinuak Bermioko kale isilak izartzen ebazala heldu zan Korrika gure herrira. Domekatik astelehenerako goizaldeko ordu 2:30ak inguruan heldu zan. Ez orduak, ez hurrengo egunean goizeti altxatu beharrak, ez hotzak ez euskuen korrikara joateko gogoa kendu bertan bildu ginan guztioi. Arrazoi horreek, izan ere, jende gitxiago biltzea eragin eben. Zoridxonak, beraz, animatu zinien gautxori guztioi!!!

Hemen be hika-mika
Eztakit zelan ez zergaitik baina gaur egungo gizartean edonork eta edozerk sortzen dau zer esana eta kexa. Hara zelako mezua agertu zan korrika ondoko goizean Bermioko Web guneko eztabaidagunean: http://www.bermeo.org/zerbitzuak/foroa/mensajes.asp?concodigo=2970&inMODKodigoa=86 Korrikak be molesta egiten dau jendea antza, sinestezina!!! Bi urterik behin pasaten dan zeozer izanda eta ganera urtero gauez pasatzen ez dala kontuan hartuta, nahiko harrigarria da batzuen iritzia. Dana dala erantzunetan igarri da bermiotar gehienek ez dabela inongo arazorik euki, are gehiago, korrikari euren babesa emotera urten eben balkoietara.
Gai honi buruz zeuon iritzia emotera animatzen zaituet blog honetako iruzkinetan.
Ia datorren urtean jende gehiago animaten dan eta aitzakia gitxiago topa!
(Argazkiak handiago ikusteko ganien egin klik. Lehenengo argazkian Alaine testiguagaz eta bigarrenean Markel).

Ikastola egune!!!

2007-03-11T20:43:00.000+01:00

Domeka goize. Bart gaueko resakie ondiño ganien, ikastola bidien astiro urteroko dantzak ikusteko. Ia aurten zer tokaten dan.
Umien aktuaziñuek ikusi ta gero ailega da barre batzuk botaten hasteko ordue: irakasliek. Maribel & company sarri sarri dantzan.

Ta gero lo mas esperado del dia: Fresneda --> "Shakira"

Ta espektakulue ondo amaitzuteko... los "matxomen". Lelau berotuten hasi...

... gero garrikuek kanpora...

... ta despelotaten. (Egin klik argazki ganien handidxau ikusteko).

Lapurtu be euskeraz!!!

2007-02-04T17:04:00.000+01:00

Zelakoak jasan behar izaten doguzan euskaldunok hainbat lekutako langileek euskeraz ez dakielako!!! jaja

Goenkale alemanez!!

2007-02-03T18:14:00.000+01:00

Imaginatuko zeunkie Goenkale alemanez ikustea? Edo ingelesez? Ba ez itxaron gehiago ta ikusi wazemank-en bideo hau!

Balbe misterioak

2007-01-29T18:40:00.000+01:00

Atzo emon jaken amaiera Balbemendiko misterio guztiei. Hiru hilabete luzez domekaro telebistari pega-pegata euki eta gero, azkenik argitu zan nor egoan hiltzailearen mozorropean. Baina nork pentsatuko eban Rosa zala? Kristau fededun zintzo ha, beti garbi jokatu guran, bere gizon odolberoa lasaitzeko beti prest egoan ha?
Egia esan zur eta lur itzi ninduan. Izan ere ia petsonaia danak pasa ziran hiltzaile izatearen susmotik: Juantxo, bere anaia Lukas, Jon, Bixenta,... Apurka-apurka argituz joan zan beste kontu batzuetan sartuta egozala honeek. Beraz, beste susmagarri batzuk agertuz joan ziran: Fermin abadea, Gorka, eta baita Jesus alarguna bera be. Antonio ere hortxe egoan hasieratik amaierara susmagarri moduan.
Nik hasieratik pentsatzen neban Gorka izango zala hiltzailea, baita azkenaurreko kapituluak neuri arrazoia emon ere. Mentxuren alaba nagusiak ere pasa jatazan burutik, zer egiten egozan pertsonaia horreek bestela? Telesailean agertu besterik ez? Baina Rosa, Rosa inoiz ez jatan burutik pasa. Sorpresa handia, beraz.
Mentxuren maitalea nor zan be argitu zan azken kapituluan, apaiza bera. Maddiren amesgaiztoen jatorria ere argitu zan, ama bere buruaz beste egiten ikusi eban jaiobarritan eta.

Amaitzeko, esan beharra dago etb-k inoiz egin dauen telesailik onena izan dala eta benetan merezi izan dauala domekaro ikusteak, nahiz eta merezi izan dauena baino jende gitxiagok ikusi izan (54.000 ikuslegaz hasi zan, apurka jaitsiz joan zan eta azkenik amaierako kapitulua 41.000 pertsona inguruk ikusi eben). Zorionak emon aktore guztiei eta zuzendariari, Jabi Elortegiri (Balbemendigatik eta Goenkalegatik), eta hurrengoaren zain geratzen naz. Askok foroan idatzi dabe Balbemendiren denboraldi barria atarateko. Nik ez neuke Balbemendigaz jarraituko, txarto geratuko litzateke, baina bai misteriozko beste telesail bat datorren urterako.

balDemendi

2007-01-27T18:01:00.000+01:00

Balbemendiren azken kapituluaren zain gagozan bitartean, zer hoberik wazemank-ekoek berari buruz egindako sketch bategaz barre batzuk botatea baino!!

Kautan bideoklip barridxe

2007-01-14T16:42:00.000+01:00

Kautak Cd barria atara dau orain gitxi eta esan beharra dago oso ondo dagoala. Oraindiño Kauta ezagutzen ez badozue, euren web orrian (kauta.net) kanta batzuk entzuteko aukera daukazue eta horretaz gain euren bideoklip barria imiñi dot blog-ean.

Bideoak web orrira igo

2007-01-07T17:17:00.000+01:00

Informatikari buruzko ariketa batzuei ekiteko eta neure lagun Alex-ek holan eskatuta iruzkin batean, honelakoa bezelako blog batera bideoak zelan igo daitekezan azalduko dot.
Blogger edo beste hainbat motatako blog-ek normalean ez dabe bideoak jartzeko gaitasunik eukiten, beraz, beste zerbitzu batzuetara joko dogu hori lortzeko: bideoak internetera igotzeko zerbitzuak ("google video" edo "Youtube", esaterako).
Blogger google-rena dan ezkero, "google video" aukeratu dot bideoa igotzeko. Hasteko, google kontua eskuratu behar dogu (www.google.com/accounts/Login), gogoratu Blogger baldin badaukazu google kontu bat eukiko dozula, helbide elektroniko eta pasahitz batez osotuta, eta beraz ez dozula beste bat sortu beharrik.
Bigarrenik "Google Video"-n sartu: http://video.google.com/ Hemen zure kontua sartu eta "upload video" emon. Holan zeuk nahi dozun bideoa aukeratu zure ordenagailutik eta internetera igoko dozu.
Holan, zure bideoa interneten argitaratuta eukiko dozu. Orain zeure blog-ean jartzeko ordua da. Sartu bideoak erreproduzitzeko gunean eta aukeratu "Email-Blog-Post to MySpace", eskumako aldean (ikusi beheko irudia. Egin klik gainean irudia handiago ikusteko).

Hor klikatzean bi aukera emoten dira:
Bata, zuzenean blogera igotzeko "post to" aukeran hartu zure blogaren izena (MySpace messenger, Blogger,...).

Hala ere, aukera honek batzuetan erroreak emoten dauz igotzerakoan. Kasu horretan beste bide bat jarraitu daiteke: "Embed HTML" aukeratu eta koadrotxo bat agertuko da. Bertan dagoan testua kopiatu eta geure blog-ean itsatsiko dogu geure testu eta argazkiekin batera.
Baliteke Blogger erabiliz gero testu hau publikatzean arazoak dagozala esatea. Kasu horretan, "stop showing errors for this post" aukeratu eta kito.
Bideoa ikusi

Euskal Selekzioaren partidu gazi-gozoa

2006-12-28T13:23:00.000+01:00

Telebistak erakutsi ebazan hasierako irudietan harmailen zati handi bat huts-hutsik ikusi eitekean. Jende artean be hutsune asko. Telebistako narratzaileak eurak be gabezia honetaz ohartuz, jende gitxiago egon arren giroa ezin hobea zala esaten ebiltzan.
Jende gitxiago joatearen arrazoi bakarra bururatzen jat: ESAIT (euskal selekzioaren aldeko iritzi taldea) eta Euskal Federazioaren arteko pikea. Lehenengoak, Federazioak eta Jaurlaritzak ofizialtasunaren alde borroka nahiko egiten ez dabela eta, partidua ez babestea erabaki eban. Gainera, taldeari Euskadi deitu beharrean Euskal Herria deitzea eskatzen eban. Dana dala, argi dago askok erantzun eta partidura ez joatea erabaki ebela, eta hori partiduko eta partidu osteko giroan asko nabari ei zan. Holan jasotzen dau berria-ko artikulu batek:

Giroa bai, baina apalagoa. Zale gutxiago, tabernak hutsago eta kaleak isilago. Partida dagoela argi dago, ordea. Jendetza dabil Indautxun: erosketak egiten asko, eta txikiteoan besteak, Poza aldean batik bat. Han batu dira San Mamesera doazenak. Umeak dauzkate inguruan bueltaka. Aurpegia zuriz, gorriz eta berdez margotuta, eta ikurrinari eragin eta eragin. «Euskadi, Euskadi!».

Haurrak eta gurasoak barra-barra. Haurrak olgetan eta gurasoak zurrutean. Tarteka-tarteka, nerabe taldeak ere badoaz futbol zelaira bidean. Gazteak oraindik ez. Horiek ere kalimotxotan eta garagardotan dihardute. Hotz egiten du Bilbon. Etxean gozo-gozo egoteko moduko hotza, baina ohikoa da abenduan, selekzioak jokatu ohi duenean, eta Poza kalean ez dago beste aldi batzuetako burrunbarik. Lasaiago dago. Ez kalejirarik, ez bat-bateko oihurik.

Giroa pixkanaka-pixkanaka berotuko dela uste du Joseba Martinezek. «Baietz San Mames bete». Urtero-urtero doa Euskadiko selekzioaren partidara, eta aurten ere lekua dauka San Mamesen. Ziur dago ESAITen erabakiak ez duela ikuskizuna zapuztuko. «Askok nahi dugu selekzio ofiziala, baina ametsa da oraindik. Lortu arte, bultza eta bultza jarraitu behar dugu. Futbolariak zelaian eta guk harmailetan. Futbolariek jokatu egingo dute, eta guk animatu egingo dugu». Gaztea da Martinez. 26 urte dauzka eta ziur dago urte gutxiren buruan ofiziala izango dela euskal selekzioa.

Berdin zaio izena zein daukan: «Euskal Herria edo Euskadi». Haren lagun Jon Mikel Garairi, aldiz, Euskadi ez zaio bat ere gustatzen. «Euskal Herrian bizi gara eta Euskal Herriko selekzioa behar du izan». Garaik, dena den, larregizkoa iritzi dio ESAITen jokabideari. «Gure artean ere muturka bagabiltza, akabo». Azaldu du gauza bat dela gehiago eskatzea, konpromisoa eskatzea, eta besterik dela taldeari babesa ez ematea.

«FESTA EGUNA DA». Ildo beretik jo du Alazne Sarasketak: «Muturreko erabakia hartu du ESAITek». San Mamesera doa Haritz eta Maider seme-alabekin, eta haien laguntxo birekin. «Umeak oraindik gaztetxoegiak dira ika-mika politikoez jabetzeko. Festa eguna dute, aldarrikapen eguna baino gehiago, eta giroaz gozatzera datoz. Berdin zaie partida ofiziala den edo ez, futbolari batek edo besteak jokatzen duen...». Lagunartean ondo pasatzeko aitzakia da selekzioa. «Euskadiko selekzioa. Hori baita daukaguna gaur-gaurkoz».

Sarasketa pozik dago Euskadiko Futbol Federazioaren lanarekin. «Jada bi partida jokatu ditugu aurten, adibidez. Agian larregi eskatzen dabil ESAIT». Selekzioaren izenarekin tematzea zentzurik ez daukala ere azaldu du. «Euskadi edo Euskal Herria. Niri, behintzat, ez zait larregi axola».

Unai Larreari bai. Partidara joateko sarrera zeukan, baina senide bati oparitu dio. «Ni ez noa. Pozas kalean nago, bai, baina lagunekin tragoxka batzuk hartu eta etxera joango naiz». Gogor kritikatu du federazioaren eta, orobat, Eusko Jaurlaritzaren lana. «Ez dira gogor bultzatzen ari euskal selekzioen ofizialtasuna». Jende askok San Mamesera joateari uko egingo diola eta ohiko giroa ez dela egongo uste du. «Ea hurrengo urtean zer gertatzen den».

Gehitzeko, esango neuke geure artean borrokan ibiltzen bagara kaltetu bakarrak gu geu izango garala, eta beraz, datorren partidurako gauzak konpontzea espero dot, bestela orduan bai ez dogula inoiz ofizialtasunik lortuko. Bestetik esan Euskadi ofiziala ez izatea ez dala Euskal Federazioaren edo Jaurlaritzaren errua, Espainiarena baino, eta beraz, Esait-en jokaera apur bat zentzugabea dala. Ganera ez dot uste Euskadi edo Euskal Herria deitu behar dan eztabaidatzeak zentzu handirik dauanik, hori gitxienekoa da. Ez daiguzan ba arazoak ez dagozan lekutik atara.

Amaitzeko, nahiz eta arazo honeek egon, jendeak erantzuten jarraitzen dau. San Mames ia bete zan eta etxetik batezbesteko 184.000 pertsonak ikusi eben (%22,8eko share-a) eta une batzuetan 536.000 pertsonak ikustera ere heldu zan.

Emaitza, ezin hobea, 4-0 irabazi, hori bai olentzerok ekarri deuskun opari ederra!!!

17.962 euroko zakua

2006-12-27T17:17:00.000+01:00

Atzo gauean eroan eben azkenean Mihiluzeko zakua. Katti Potxelu eta Arño Aizager Hazparne eta Donapaleuko bikotea izan ziran zortedunak eta guztira 17.962 euro irabazi ebezan.
Aurten Mihiluze hasi danetik 40.000 euro banatu dabez guztira, eta Ilaski eta Kike geure eguneroko hitzordua bilakatu dira ohera joan aurreko minutuetan.
Egunero 40.000 pertsona inguruko datuak jasotzen dauz baina aipatzekoa da aurreko astelehenan lortu ebazan 60.000 entzun-ikusleak eta %7,7ko kuota umeak lehiatzen ziran programa berezian. Horretaz gain, datorren astelehenean, urtarrilak 1, pertsona ospetsuen berezia egongo da, gonbidatu bezela ondoko bikoteak egongo diralarik: Julio Ibarra eta Angel Alkain wazemankeko "atsuak" legez jantzita, Edurne Azuara eta Naiara Etxebarria Balbemendi telesaileko aktoreak, eta hirugarren bikotea Estitxu Fernandez eta Xabier Euzkitze.
Zorionak programagatik eta segi horrela!!

Gabon gozoak etb1-entzat

2006-12-26T16:48:00.000+01:00

Danongan jakina da etb1 ez dala audientzia handiak jasotzen dauzan telebista kate bat. Euskal Herriko biztanleen erdiak baino gehiagok ez daki euskeraz, eta beste askok arazoak daukiez. Horrek eta etb1-ek daukan programazio kaskarrak eragiten dabe horren datu baxuak lortzeak (aurten %4 inguruko batezbestekoa lortzen dau). Halandabe, lana ondo egiten danean ikusleek erantzun egiten dabe. Horren adibide dira wazemank, goenkale, mihiluze, martin, balbemendi eta bost txakur bezalako programak. Esan beharra dago aurten hobekuntza nabariak egin dirala, izan ere orain arte kamera izkutu "mutuak" eta horrelako tarteak askoz ugariagoak ziran eta.
Gabonak dira, baina, etb1-i arnasa hartzen izten deutson urteko unea. Ume guztiak etxean egoteak asko laguntzen deutso, nahiz eta datu handiak lortu ez (marrazki bizidunek ume guztien babesa jasotzen daben arren ikusleen parte txiki bat dira); gitxienez datuak behera askorik ez egitea lortzen dabe: gabonetatik at, etb1-eko goizak %0-ko datuez blai egoten dira, eta horrek eguneko batezbestekoan datuak izugarri behera egitea eragiten dabe. Marrazkiek, barriz, %5 inguru lortzen dabe, batezbestekoan beheranzko hori txikiagoa izanik. Bardin gertatzen da arratsaldean zehar be.
Baina, ziurrenik, etb-ko gabonetako programa bereziak dira arrakasta sortzen dabenak. Gabon gauean (abenduak 24) %6,6ko batezbestekoa lortu eban etb1-ek egun guztian zehar, ondokoak nabarmenduz: euskal kantuen gaua %19,8 eta 87.000 ikusle, kepa junkera %9 eta 40.000 ikusle, Mr. Bean %11 eta 44.000 ikusle.
Baina sorpresarik handiena abenduaren 25ean hartu neban: %8,3ko batezbestekoa. Eguneko izarra pilota %19,4ko share-a eta 91.000 ikusle. Horretaz gain aipatzekoa goenkaleren igoera %8,8 eta 77.000 ikusle (normalean 50.000 pertsona inguru) eta mihiluzeren programa berezia 60.000 eta %7,7ko share-a. Euskal Kantuen Gaua-ren errepikapenak %7,4 45.000 eta albistegiak ere besteetan baino indartsuago.

Oraindik gabonak luze joko dabe... ea zer gertatzen dan. Bitartean gabon zahar eguneko programa bereziaren zain geratuko naz: "Matzmorduajangojonau" Wazemank-ekoen aurtengo berezia. Zer esan handia emongo dau honek!!

Zorionak eta urte berri on!!!

2006-12-16T12:41:00.000+01:00

Aurtengo eitb-ren gabonetako spot-a mundiala da!!! Kriston barriek botaten dodaz ikusten dodan bakoitzean, hain dira barregarriak txinatarrak!!! jaja
Zorionak eitb-ri noizean behin eskeintzen deuskuzan spotengatik (hau eta beste asko, "tronkolariarena" etabar.)
Horrenbestez zorionak eta urte barri ona danori!!!!

Hitzak urtebete

2006-12-15T13:43:00.000+01:00

Busturialdeko Hitza-k urtebete bete dauz gaur, 2006ko abenduaren 15ean. 365 egun bizirik eta 278 ale argitaraturik daukazala, busturialdean bizi garan guztion eguneroko partea bihurtu da jada.
Geure hurrenean gertatzen diran barriez informatzeaz gain, euskerearen sustapenerako produktua ere bada, geure hizkuntzan barriak jasotzeko, eta euskeraz ez dakianak edo hizkuntza honetan irakurtzea kostaten jakonak euskeraz irakurtzeari erreztasuna hartu deion.
Halandabe, hainbat pertsona egunkari honetaz egunero baliatu arren, eskualdeko 20 udaletatik bik baino ez dabe diruz laguntzen, bermeokoak eta muruetakoak. Ni, bermiotar moduan, harro nago neure udalak laguntzen daualako, baina beste udalei eskatuko neuskie euren herritarrei entzuteko eta hitzari behar dauen babesa emoteko.
Amaitzuteko, zoridxonak hitzako langile guztiei egunkari aberats hau egitearren eta herriko eta inguruko jazoeren barri emotearren, sarritan geure herrian bertan gertatzen dana be ez dogu jakiten eta. Zoridxonak eta segi horrela!!!!

Ongi etorri!!!!

2006-12-09T16:21:00.001+01:00

Ongi etorri Bitortxun blog-era. Blog honen nahia neure eguneroko bizipenak, iritziak, harridurak, ... azaleraztekoa da, baita bereziak iruditzen jatazan irudiak eta bideoak agertzekoa be.
Aldi berean, komunitate bat sortu gura da, egilearen eta irakurleen artean, bisitariek be bertan parte hartuz. Horregaitik animatzen zaituet guztioi blog honetan zeuon iritziak eta nahi zeinkien dana idazten.
Testuak gai desbardinak jorratzen dabenez, atal bereizietan sailkatuta egongo dira: telebista, bitxikeriak, zinea, euskara, jaidxek, etab.
Beste barik, agetzen diran gaien ugaritasuna dala eta, blog hau guztion gustokoa izatea espero dot.